Obocdayda wadhaneey!
Adhaxdayda liicdaay!
Arrinkayga laalmoow!
Taladaan il-duufaay!

Axdigaan rumaystiyo
Ma arraday jacaylkii?
Ma engegay darkiisii?
Ma af-beelay xiisii?
Ma ajowday laagtii?
Ma abaaday geedkaan
Ubaxiisa guran laa?

Afar-qaadki socodkiyo
Ma eersaday wareeggii?

Orgigii la naaxshee
Adhi-raacda dhaqataa
Ku asqaysay heestee,
Naxariis ujeeddo leh
Aaminee run moodee,

Ayaantii la gawracay
Is ogaaday baan ahay.
Umal yuururaan ahay.
Cudur igu unkamay baa
Iniintiisi biqishoo,

Ayax beri i soo maray
Eel uu ka tegey baa
Uurkayga jiifoo;

Aramaa i huruddoo;
Anigoo arkaayaan
Axankayga daaqoo;

Macaan-jeceshi oon sun ah
Loo ursiiyey malabkee
Ku idlaatay baan ahay.
Iintii dadkaan ahay.

Caku inan-rageedaw!
Waxa igadh ka beermaa
Aarankiisa weeyee,
Ooryihiini kici laa
Aarankaad ku dubateen.
Urugada i haysiyo

Agoonkaa sidkii go'ay
Aanadiina weeyaan.
Ab-tirsiimadiisuna
Utun gaaxsan weeyoo,

Uurkaygu waa godob
Eed hooyo laga galay.

                kuma dayn karaayo

Aniga oo ah abwaan ducaale cabdisamed axmed gabaygaan jaceylka ah waxaan u tiriyay  gabar soomaaliyeed oo lagu magacaabo Dowlo.  

Dal waqooyi daafeed Wanliyo da iyo meel dheerba

hara lagu dabaashiyo illaa Dabare loo gaaro

burka Dugule daaraha Burciyo harafka Dooyaale

degmo iima laabnee ilaa daaqil Xamar-weyne

waxaan gabar daruur u eg arkiyo  dooran cid u joogta

oo daaman shuban ood ilkaha dahab u moodeysid

mid waxaan darduuree mid kale sii dabariyaaba

dardar waxaan ku dhaafiyo waxaan dumar liidaaba

degdeg waxaan ku helo taan hablaha hadal ka doonaaba

warkaagaan ka doorbiday waxaan daadahyn jiraye

daqiiqado adoo illa hadlaan dunida siistaaye

kuma dayn karaayoo naftaad daawadeed tahaye

degennida tilaabada ximnaha dabacsanaantooda

doodka sabarka daankiyo wajiga timaha siidaysan

daymadaada baa iiga wacan dunida haafkeede

adigaa jacayl daran qalbiga iiga daabacaye

adigey ku doonaan indhuhu kuna daneeyaane

waxaa timaha deeystoo ku nool dunida guudkeeda

ama dumar qorxoon adigabaan kaa dalbanayaaye

daqiiqado adoo illa hadlaan dunida siistaaye

kuma deen karaayoo naftaad daawadeed tahaye 

duruufaha jaceylkaa wadnuhu ila dikaamaaye

seymahoo da aabaa wajiga dhidid ka duulaaye

dad weynahoo I wada eegayaan mar isla doodaaye

dib markaan mashquuley ilmadu iga dareertaaye

sida dowro geel oo dhashaan kugu dul meeraaye

sida madi dal dheer aadayaan kula dardaarmaaye

hadaan malaga  kuu diidikaro laguma duugeene

daqiiqado adoo illa hadlaan dunida siistaaye

kuma deenkaraayoo naftaad daawadeed tahaye

diirad ii iftiintaa tahoon iga dahsoomeeyne

dabeeyl cafimaad oo jirkuba doonayaa tahaye

dahab iga hormuuqdaa tihiyo dheeman meel dagaye

daruur soo hilacdaa tahoon doogo leeyahaye

diritada halboowlaha wadnaha carunka deeqsiiya

oonan dunida uga maarmi karin dawgi baad tahaye

daartii aan kuleylaha cadceed uga dugsoonaayay

oonan dunida uga maarmi karin dawgi baad tahaye

daaragtiga indhaha wax u arkoo dooqa lagu raadsho

oonan dunida uga maarmi karin dawgi baad tahaye

indha deeraley iyo haween doorki baad tahaye

dumarkale kasoomoo adaa maanta ii darane

daqiiqado adoo illa hadlaan dunida siis taaye

kuma deen karaayoo naftaad daawadeed tahaye

dayax shan iyo tobanoo iftiin caadku dadiwaayay

aad midabka daris kala tahoo lagula dawdaaye

dabci iyo asluub iyo wanaag eebe kugu deeqye

dadkaa quruxsan ciid kama dulmarin yuusuf dabadiise

dibnahaada waxa marine waa laga dhexdaawdaaye

qosol dabacsan goortaad ilkaha diirka ka cadeydid 

daamankuna godmaan baa qalbiga naaxi dagayaaye

ka dawaafay meelaan indhaha lagugu diireeyne

daqiiqado adoo illa hadlaan dunida siistaaye

kuma deenkaraayoo naftaad daawadeed tahaye

gu goo da aye deeqdiyo nimcadu dilindilceyneyso

oo rahu ka doobiyo biyaha debada maaxaaya

oo dararta xoolihi ku dhalay ubadka loodaayo

oo dalaga laamaha ka baxay daraftu laalaado

oo dixindix geeduhu yihiin udugna sooduulo

oo roob ladhacu daadsan yahay reyska debadiisa

oo gerigu doodina hayiyo deeradiyo cowshu

oo loo dalxiis taga hayaad iilla dawtahaye

daymadaada uumbey indhuhu doonayaan abide

dibnuhuna amaantaa daldale diide qowlkale'e 

dooga uhirayaa tahooy door shinsanayaane

daqiiqado adoo illa hadlaan dunida siistaye

kuma deenkaraayoo naftaad daawadeed tahaye

                   arag maqal

waxaa tiriyay sugaantan abwaanka wayn ee layiraahdo Maxamed Ibraahim Warsame “Hadraawi”

Ergaduu farriintiyo